Mae cam-drin domestig yn ganlyniad i anghydraddoldeb rhywedd ac mae wedi'i wreiddio mewn pŵer a rheolaeth. Gall effeithio ar unrhyw un, gan gynnwys dynion. Mae cam-drin domestig yn ddewis y mae'r cam-driniwr yn ei wneud ac nid yw pobl sy'n profi cam-drin domestig ar fai. Gweler ein tudalen ar Fathau o Gam-drin Domestigam ragor o wybodaeth.

Rydym yn deall y gall dynion sy'n profi cam-drin domestig brofi rhwystrau o ran gofyn am gymorth neu gael mynediad at gefnogaeth oherwydd:

• Efallai eich bod yn poeni na fyddwch yn cael eich credu na'ch cymryd o ddifrif

• Efallai na fyddwch chi'n uniaethu fel dioddefwr oherwydd cywilydd, embaras neu stereoteipiau niweidiol am wrywdod

• Efallai eich bod chi'n ofni beth allai eraill feddwl

• Efallai eich bod chi'n ofni colli eich plant

• Efallai eich bod yn ofni cam-drin pellach

Does dim esgus dros gam-drin domestig ac mae gennych yr hawl i gael y gefnogaeth sydd ei hangen arnoch i fyw'n ddiogel ac yn annibynnol. Fel arfer, ein gwasanaethau ymyrraeth argyfwng yw'r pwynt cyswllt cyntaf i unrhyw un sydd angen cefnogaeth neu gyngor ynghylch cam-drin domestig.